കേരള സ്റ്റേറ്റ് ഫിനാൻഷ്യൽ എന്റർപ്രൈസസ് ലിമിറ്റഡ്

എന്ത് കൊണ്ട് ഞങ്ങളെ തെരഞ്ഞെടുക്കണം

പൂർണ്ണമായും കേരള ഗവൺമെന്റിനു കീഴിലുള്ള ഒരു നോൺ-ബാങ്കിങ്ങ് ധനകാര്യ സ്ഥാപനമാണ്. കെ.എസ്.എഫ്.ഇ. കേരള ഗവൺമെന്റിനെ വിഭവ സമാഹരണ യഞ്ജത്തിൽ പ്രധാന പങ്കു വഹിക്കുന്നു.
1969 ലെ കെ.എസ്.എഫ്.ഇ. രൂപവത്ക്കരണം മുതൽ ഇന്നോളം ലാഭത്തിൽ പ്രവർത്തിക്കുന്ന സ്ഥാപനത്തിന്റെ ഇപ്പോഴത്തെ വിറ്റു വരവ് 73000 കോടി രൂപയിൽ മുകളിലാണ്.
കേരള സർക്കാരിന്റെ കീഴിൽ പ്രവർത്തിക്കുന്ന ഈ സ്ഥാപനം 100% സുരക്ഷിതവും വിശ്വസ്തവുമാണ്.
KSFE യുടെ പ്രധാന പദ്ധതി ചിട്ടിയാണ്. ഒരേ സമയം വായ്പയായും നിക്ഷേപമായും വർത്തിക്കാൻ കഴിയുന്ന ഒരു സമ്പാദ്യ പദ്ധതിയാണ് ചിട്ടി. സമൂഹത്തിലെ വിവിധ തരക്കാർക്ക് യോജിച്ച വിധത്തിൽ തുകയിലും കാലാവധിയിലും വ്യത്യസ്തത വരുത്തി വിവിധ തരം ചിട്ടികൾ കെ.എസ്.എഫ്.ഇ. അവതരിപ്പിക്കുന്നുണ്ട്.
കെ.എസ്.എഫ്.ഇ. യുടെ സുഗമ പദ്ധതി മറ്റു ധനകാര്യ സ്ഥാപനങ്ങളുടെ സമാന പദ്ധതികളെക്കാൾ കൂടുതൽ പലിശ ലഭ്യമാക്കുന്നു.
കെ.എസ്.എഫ്.ഇ. യുടെ നിക്ഷേപ പദ്ധതികൾ കൂടുതൽ പലിശയും സുരക്ഷയും ഉറപ്പു നൽകുന്നു. അതോടൊപ്പം വായ്പകൾക്ക് അമിത പലിശ ഈടാക്കുന്നുമില്ല.
ഏതു തരം സാമ്പത്തിക ആവശ്യങ്ങളും ഒരു കുടക്കീഴിനുള്ളിൽ ലഭ്യമാക്കുന്ന സ്ഥാപനമാണ് കെ.എസ്.എഫ്.ഇ. തങ്ങളുടെ വായ്പാ പദ്ധതികളിൽ ഭവന വായ്പ, വ്യക്തിഗത വായ്പ, വാഹന വായ്പ, സ്വർണ്ണപ്പണയ വായ്പ, ചിട്ടി വായ്പകൾ എന്നിവ ഉൾപ്പെടുന്നു.